Frukostmøte om barn med erfaringar frå flukt

20. november er FN sin internasjonal barnedag. Det er no over 30 år sidan barnekonvensjonen vart vedteken, og det er framleis viktig å arbeide for barns rettar. 

I løpet av det siste tiåret har vi vore vitne til store omveltingar og utfordringar knytt til klima, migrasjon, pandemi og eit Europa i krig. 

Ved utgangen av 2023 var det om lag 120 millionar menneske i verda på flukt. Halvparten av desse er barn. Å arbeide for barns beste i ei foranderleg verd krev noko av alle. 

OMEP er verdsorganisasjonen for små barns oppvekst og danning. Vi i OMEP Noreg ønsker å løfte fram temaet barn med erfaringar frå flukt som eit særleg område for verksemda vår. Vi inviterer derfor til frukostmøte i samarbeid med Dronning Mauds Minne høgskole for barnehagelærerutdanning (DMMH) og OsloMet.

Program og påmelding: Frukostmøte om barn med erfaringar frå flukt – OsloMet

Frist for påmelding er 12. november.