Den internasjonale romdagen
8. april er den internasjonale romdagen. Her kan du lese meir om dagen og finne undervisningsressursar til barnehage og skole.
8. april er den internasjonale romdagen
Den internasjonale romdagen blei innstifta på den første verdskongressen for rom som fann stad i London i 1971.
Historisk bakgrunn
Romane kjem opphavleg frå det indiske subkontinentet, og utvandra for om lag 1000 år sidan. I Europa er dei truleg registrert skriftleg så tidleg som på 1300-talet. Til Norden kom dei i byrjinga av 1500-talet. Gruppa er i Noreg omtalt både som romfolk og rom. Rom er det offisielle namnet.
Hvem er rom? – les meir om den nasjonale minoriteten rom
Rom ein nasjonal minoritet i Noreg
Romane fekk status som nasjonal minoritet i Noreg i 1999, etter at styresmaktene hadde ratifisert Europarådets rammekonvensjon om vern av nasjonale minoritetar av 1994. Utgangspunktet for at Europarådet vedtok denne konvensjonen, var eit historisk medvit om at minoritetar ofte har vore diskriminerte og forfølgde. Målet var å styrke arbeid for menneskerettar overfor nasjonale minoritetar i Europa.
Språket romanes
Romanes er morsmålet til romane og har status som nasjonalt minoritetsspråk i Noreg. I samband med den internasjonale romdagen 2025 lanserer NAFO ein ny versjon av biletordboka Bildetema på romanes. Biletordboka blir ein av få ressursar på språket.
Gå til biletordboka Bildetema
Daniel er norsk og rom
I denne filmen snakkar Daniel om at språk, familie og tradisjonar er viktig for identiteten hans. Han fortel også om sitt forhold til Noreg som heimland og korleis folket hans har blitt diskriminert gjennom historia.
Undervisningsressursar
På minstemme.no finn du fleire ressursar om nasjonale minoritetar og rom som kan brukast i barnehage og skole.
Les meir
Nasjonale minorieteter – Romer (udir.no) – Utdanningsdirektoratet
Norske rom (hlsenteret.no) – Senter for studier av Holocaust og livssynsminoriteter
Nasjonale minoriteter