NAFOSámi álbmotbeaivi
Den 6. februar er det feiring av Samenes nasjonaldag. Dagen som også blir kalla Samefolkets dag, blei feira for første gong i 1993, på same tid som FNs internasjonale urbefolkningsår blei offisielt opna i Karasjok.
Ein dag for alle samar
Avgjerda om ein samisk nasjonaldag blei tatt på den nordiske samekonferansen i 1992, og dagen feirast både i Noreg, Sverige, Finland og Russland. Datoen for feiringa blei valt til minne om det første samiske landsmøtet som fann stad i februar 1917. Dette var første gong nord- og sørsamar frå Noreg og Sverige samla seg til eit stort møte for å drøfte felles problemstillingar på tvers av landegrensene. Dette møtet la grunnlag for arbeid samane seinare har gjort i fellesskap for å sikre folkerettsleg og demokratisk likeverd.
Markering av dagen
Samenes nasjonaldag blir markert fleire stader i landet. Mellom anna er det festgudsteneste i domkyrkja og arrangement for barn på Samisk hus i Oslo. I Nordreisa er det duodjiutstilling, kreativ verkstad og fest med joik, song og historiefortelling, støtta av Sametinget, Nord-Troms museum og Nordreisa kommune. I Alta er Samisk musikkuke, Sámi Musikkha Vahkku, ein årleg tradisjon andre veka i februar. 6. februar skal dei ha ulike arrangement med musikk og foredrag i samarbeid med UiT Norges arktiske universitet. Dagen er offisiell flaggdag i Noreg.
Undervisningsressursar knytt til den samiske nasjonaldagen
- Samene – tospråklige undervisningsopplegg: Tema Morsmål har laga tospråklege undervisningsopplegg om samefolkets dag for 4.-7. trinn på 12 forskjellige språk. Her finn du tekster, oppgåver, filmar, digital oppgåve og nyttige nettsider.
- minstemme.no: Her finn du mellom anna artiklar, videoar, oppgåver og quizar om samefolket for barnehage og skole.
- Nasjonaldag og nasjonale symbol: Les meir om den samiske nasjonaldagen og om ressursar for barnehage og skole på Sametinget si heimeside.
- Bildetema: Lær ord på tre samiske språk: nordsamisk, sørsamisk og lulesamisk.