Den europeiske språkdagen 2023
Her finn du tips til korleis din barnehage eller skole kan feire Den europeiske språkdagen 26. september.
26. september kvart år blir Den europeiske språkdagen markert på mange måtar i Europarådets 46 medlemsland. I Noreg blir dagen markert med ulike arrangement på høgskolar og universitet, og mange barnehagar og skolar feirar dagen med aktivitetar som fremjar språkleg mangfald.
Tips til aktivitetar i barnehage og skole
- Skriv ut plakatar på fleire språk og lær å seie til dømes «hei» på mange språk.
- Spel memoryspel med ord på fleire språk.
- Spel NAFOs språkkviss!
- Les forteljingar på fleire språk.
- Bruk Bildetema til å lære nye ord på nye språk.
Aktivitetar frå ECML
På Europarådets nettside om Den europeiske språkdagen finn du mange tips til aktivitetar. Du kan til dømes vere ein språkdetektiv og sjå kva språk du kjenner att.
Språkfestival
Fremmedspråksenteret inviterer i samarbeid med Institutt for språk, litteratur og kultur ved Høgskolen i Østfold til språkfestivalen Sju dager med språk.